Rum and policeman don’t agreeDem boys always warning people bout drinking and driving. But dem have some people didn’t hear. A policeman decide that because he is police he can drink and drive. He own ketch up wid he after he drive in a crowd. He fail de breathalyzer test.Now dem boys want to know how dem big ones does feel dem can break de law. This man is an Assistant Superintendent. He promotion done get put pun hold.Then a lawyer decide that if a policeman can drunk and drive he can do de same. Dem boys been in de court and dem jump when d case call.Dem see a man sitting at de lawyer bench and dem believe that he come to represent somebody. When a name call de man stand up but dem didn’t have a client. De court get confused.Is when de lawyer tell de magistrate how is he get charge that people start fuh laugh. De magistrate start fuh stammer. She tell he,Wholesale NFL Jerseys, “Get you tail wheh dem prisoner does stand up. What you doing at de lawyer’s bench?” De court start fuh laugh.De man go in de prisoners’ dock. De magistrate read de charge and de man plead not guilty.Now he tek de breathalyzer test. Dem boys seh that he gun tell de magistrate how he was sucking some mint and is that give de reading and that de reading false.But he lucky. He should get remand but de magistrate tek into consideration he age and that he might not survive dem boys in jail.She go to fix bail but then she think that he couldn’t bail heself. She send he home pun he own recognizance.De man nearly fall down de court step when he going out and a policeman nearly lock he up again fuh walking drunk in de courtyard.Talk half. Lef half.