Is de holiday season and all of a sudden some people decide that dem gun tek a vacation. And that is because dem find out that Bar-Rat beg fuh get involve in a programme that some important people decide fuh keep.In America dem have wha dem call de Federation of Indian people. Was more like Amerindian people. Bar-Rat decide fuh beg fuh an invitation. He want to talk,Cheap Jerseys, he want fuh mek speech. Then he decide that he had a right fuh demand an invitation because last year dem people invite Kamla from Trinidad.And like a baby who got to get escort every where he decide that Uncle Donald got to go too. Dem boys seh that it cause a problem because de organizers only prepare fuh buy one plane ticket. Bar-Rat seh “no problem”. Guyana gun pay.De boss man from Jamaica did seh that Bar-Rat can beg. Now dem boys know is true.But that is only one thing. Dem boys find out that de shoe man in serious problem. De cambio man want he money and he give de shoe man until Friday. Dem boys seh that at this rate de whole country gun end up wid beggar people.Bar-Rat beg fuh an invitation and de shoe man begging people fuh help pay back de money he tek from de cambio man. He call de waterfalls boss man fuh help and de boss man secretary telling he that de boss man missing,Cheap World Cup Jerseys 2018, that he gone pun vacation like dem boys in Bar-Rat clique.De man trying all he friends but is nuff money and in this crisis people not tekking a chance. Dem boys seh that dem was hoping that de man woulda transfer de property. But even if he want to do that de transport ain’t pass. De man want he money.But dem boys want to know wha gun happen if de man ain’t pay. People feel that some judge gun get involve. Was no judge when de money borrow but is judge when de pay back come.Talk half. Lef half